Í dag fór fram fyrsta rýmingaræfingin í sögu Alþingis, sem framkvæmd var í nánu samstarfi við Örugg verkfræðistofu. Æfingin markaði mikilvægt skref í að tryggja öryggi alþingismanna, starfsfólks og gesta Alþingis. Örugg verkfræðistofa hafði unnið síðustu misseri að gerð ítarlegrar rýmingaráætlunar fyrir þinghúsið í samvinnu við öryggisteymi Alþingis.

Rýmingaráætlunin, sem byggir á faglegri greiningu og nýjustu öryggisstöðlum, var lögð til grundvallar æfingunni. Markmiðið var að prófa viðbrögð starfsfólks við hugsanlegum neyðartilvikum, bæta samhæfingu og tryggja að allir þekki réttar aðferðir við rýmingu. Æfingin gekk afar vel, og þátttakendur sýndu mikla árvekni og skipulag.

Örugg verkfræðistofa þakkar Alþingi fyrir gott samstarf og hlakkar til að halda áfram að stuðla að öruggu vinnuumhverfi í einni mikilvægustu byggingu landsins.

‍