ÖRUGG aðstoðar við gerð umhverfisstjórnunarkerfis í samræmi við ISO 14001 ásamt því að geta aðstoðað við aðrar umhverfisvottanir, eins og BREEAM og Svaninn. Við innleiðingu á slíkum kerfum er mögulegt að innleiða samþætt kerfi, þ.e.a.s. umhverfis-, heilbrigðis- og öryggisstjórnunarkerfi. Það er margvíslegur ávinningur og sparnaður sem fæst við slíka samþættingu. Að hafa góða yfirsýn og stjórn á umhverfismálum í rekstri fyrirtækja og sveitarfélaga hefur sannað gildi sitt á undanförnum misserum. Þar má fyrst nefna ávinninga fyrir umhverfið, loftslagsbreytingar, sjálfbærni, og komandi kynslóðir, ásamt ávinningum við rekstur, t.d. minnkun rekstraráhættu, sparnað í rekstri, aukinni samfélagslegri ábyrgð og bættri ímynd.

Reynsla ÖRUGG Verkfræðistofu á þessu sviði tengist m.a. að öryggis- og umhverfiseftirliti við byggingu nýs Kársnesskóla, sem er í byggingu, og skal að framkvæmdum loknum hljóta Svansmerkið. Við þessa framkvæmd ber stofan ábyrgð á eftirliti með umhverfismálum á framkvæmdartíma, en í því sambandi eru gerðar sérstakar kröfur við Svansvottun, t.a.m. að uppfyllalagalegar kröfur og  að allur byggingarúrgangur skuli vera flokkaður og að lágmarki 60% úrgangs skal endurunninn.

Örugg verkfræðistofa býður upp á heildstæða þjónustu lífsferilsgreining:
- LCA-greiningar samkvæmt viðeigandi stöðlum (EN 15978 / ISO 14040/44)
- Útreikningar á kolefnisspori bygginga     (byggingarefni, flutningar, framkvæmd, rekstur, niðurrif)
- Aðstoð við gagnasöfnun og samskipti við     birgja/framleiðendur.
- Samhæfing við BIM.
- Ráðgjöf við val á vistvænum byggingarefnum
- Skýrslugerð og kynning niðurstaðna fyrir hönnuði, verkkaupa og eftirlitsaðila
- Greining á stigum A1–A5 og valkvæðum stigum B, C og D

Frá og með 1. september 2025 verður skylda að gera lífsferilsgreiningar fyrir nýbyggingar í umfangsflokki 2 og 3 og skal miða við dagsetningu umsóknar um byggingarleyfi samkvæmt gr. 15.2.1 í byggingarreglugerð. Lífsferilsgreiningar meta umhverfisáhrif byggingar yfir allan lífsferil hennar og er sérstök áhersla lögð á kolefnisspor sem eru mæld í kg CO₂ - ígildum. Til þess að reikna kolefnissporið eru notaðar magntölur byggingarefna og upplýsingar úr EPD blöðum þeirra (eða meðaltalsgögn þegar EPD blöð liggja ekki fyrir). Á næstu árum má vænta að fleiri umhverfisáhrifaflokkar verði teknir með í reikninginn.


‍

Forvarnir gegn spilliefnum eru mikilvægar þar sem unnið er með hættuleg efni. Mikilvægt er að áhættugreina aðstæður og vera með áætlanir vegna spilliefnaslysa. Hluti af undirbúningi er val á spillefnavörnum og þjálfun starfsfólks. Meta þarf áhættu vegna notkunar og greina mögulegar afleiðingar.
‍
ÖRUGG aðstoðar við alla ofangreinda þætti og býr yfir mikilli reynslu í gerð viðbragðsáætlana.

Við umhverfismat framkvæmda þarf að meta og upplýsa um líkleg áhrif tiltekinna framkvæmda á umhverfið ásamt því að uppfylla lagalegar kröfur. Greina þarf heildar áhrif og meta vægi þeirra. Í framhaldinu þarf að skilgreina hvernig bregðast eigi við óæskilegum áhrifum á umhverfið. Nýta þarf niðurstöður umhverfismatsins við útfærslu og tæknilegar lausnir viðkomandi framkvæmdar.

ÖRUGG aðstoðar við heildrænt umhverfismat framkvæmda. Reynsla ÖRUGG verkfræðistofu á þessu sviði tengist m.a. rekstri á heilbrigðis-, öryggis- og umhverfisstjórnunarkerfum við framkvæmdir þar sem miklar áherslur eru gerðar á stöðugar umbætur fyrir öryggis- og umhverfismál.

ÖRUGG tekur að sér að gera úttektir á umhverfismálum vinnustaða, hvort sem um er að ræða fyrirtæki, stofnanir eða félagasamtök. Úttektir vegna byggingaframkvæmda eru einnig vaxandi þáttur, sem ÖRUGG getur aðstoðað við. ÖRUGG býr að þeirri þekkingu og reynslu að geta framkvæmt þessar úttektir í samræmi við alþjóðlegu staðlana ISO 19001 og ISO 14001.

ÖRUGG Verkfræðistofa hefur umfangsmikla alþjóðlega og innlenda reynslu í að koma inn í verkefni og/eða fyrirtæki með það að markmiði að greina stöðuna á umhverfismálum, lagalegum kröfum, öðrum kröfum (t.d. samningar eða alþjóðlegir staðlar) og að setja fram umbótaáætlanir. VIð vinnum með viðskiptavinum við að ná settum markmiðum sem passar við viðskiptamódeli þeirra.

Örugg eru sérfræðingar í brunahönnun vistvænna bygginga. Við beitum brunatæknilegum aðferðum til að meta heildræn áhrif við val á byggingarefnum m.t.t. brunavarna.

Með því að greina mismunandi valkosti og bera saman loftslagsáhrif og innihald hættulegra efna er hægt að velja sjálfbæra kosti í efnisvali. Brunatæknilegarlausnir, sem sýnt er fram á í brunahönnun geta gert aukna notkun á vistvænum lífrænumefnum mögulega.
‍
ÖRUGG getur aðstoðað við að meta möguleika í endunýtingu brunavarna, t.d. notkun á eldri brunahurðum og burðarvirkum. VIð búum yfir sérhæfðum hugbúnaði og reynslu þegar þörf á sérstökum brunatæknilegum greiningum.

Samfélagsábyrgð tekur mið af því að sýna fram á jákvæð áhrif fyrir samfélagið, umhverfið og fólk. Þessu má t.d. ná fram með því að setja á fót og innleiða stefnur í samræmi við heimsmarkmið Sameinuðu þjóðanna í samræmi við tegund og rekstur fyrirtækja. Með þessu móti er t.d. mögulegt að sýna fram á árangur með lykiltölum í alþjóðlegu samhengi sem tengjast heimsmarkmiðum Sameinuðu þjóðanna.

Svansvottun, hið opinbera umhverfismerki Norðurlandanna, er einn öflugasti gæðastimpill sem byggingar á Íslandi geta hlotið. Vottunin staðfestir að mannvirkið uppfylli ströngustu kröfur um umhverfis- og heilsuáhrif, allt frá hönnun til daglegs reksturs. Fyrir byggingaraðila er Svansvottun ekki aðeins yfirlýsing um ábyrgð, heldur einnig fjárfesting í aukinni endingu, lægri rekstrarkostnaði og verðmæti fasteignar til framtíðar.

Vottunarferlið Svansins er ítarlegt og krefst sérfræðiþekkingar, nákvæmni og yfirgripsmikillar verkefnastjórnunar. ÖRUGG býður upp á alhliða þjónustu sem tryggir skilvirka og árangursríka leið að Svansvottun fyrir ykkar verkefni. Við stöndum með ykkur á öllum stigum ferlisins og tryggjum að kröfum sé mætt á sem hagkvæmastan hátt.