Ráðgjafi í vinnuvernd

ÖRUGG verkfræðistofa leitar að drífandi leiðtoga til að taka þátt í uppbyggingu ráðgjafamála í vinnuvernd. Hér er um að ræða frábært tækifæri til að vinna með reyndustu sérfræðingum landsins í öryggimálum og að öðlast frekari sértækri þjálfun í vinnuvernd- og öryggismálum.

‍

Helstu verkefni:

• ‍Áhættumöt starfa og vinnustaða ásamt innleiðingu forvarna
• Gerð öryggis- og heilbrigðisáætlana
• Vinnustaðaúttektir og framkvæmdareftirlit í sambandi við stjórnun ÖHU* á verkstöðum
• Önnur verkefni sem tengjast heilbrigðis- og öryggisstjórnunarkerfum skv. ISO 45001
• Öryggi í hönnun mannvirkja og framkvæmdum
• Þjálfun
  ‍
  * ÖHU: Öryggis-, heilbrigðis- og umhverfismál
  ‍

Menntunar- og hæfniskröfur:

• Menntun á sviði verkfræði eða tæknifræði sem nýtist í þessu starfi ásamt miklum áhuga á ÖHU
• Starfsreynsla á sviði mannvirkjagerðar, vinnuverndar ogumhverfismála, ásamt sértækri menntun á þessum fagsviðum er mikill kostur
• Góð færni í rituðu og töluðu máli á íslensku og ensku er mikilvæg
• Sjálfstæð vinnubrögð, frumkvæði, vilji til að læra nýja hluti og þróast sem einstaklingur
  ‍

Hjá ÖRUGG verkfræðistofu starfa um 16 manns við bruna- og öryggishönnun, BIM stjórnun, vindgreiningar og umhverfis- og vinnuvernd. ÖRUGG verkfræðistofa er til húsa í Kringlunni 7 í Reykjavík – Húsi verslunarinnar.

‍

Ef starfið heillar þig og þú vilt koma til liðs við ÖRUGG verkfræðistofu skaltu ekki hika við að sækja um. Umsókn og ferilskrá, auk kynningarbréfs um umsækjanda berist ÖRUGG verkfræðistofu fyrir 15. september nk. Við tökum vel á móti öllum umsóknum, sem verður svarað og þær meðhöndlaðar sem trúnaðarmál. Frekari upplýsingar um störfin má nálgast hjá Böðvari Tómassyni  bodvar@oruggverk.is og Leó Sigurðssyni leo@oruggverk.is

‍